Falguni Rajani Instagram – AAJ MAIN AAPKE SAATH MERA EK ANUBHAV SHARE KARNA CHAHIYI HUN … PLS PLS PLS EK BAR ZAROOR PADHNA 🙏🏼🙏🏼🙏🏼🙏🏼 MUJE JO SUKUN MIL RAHA HAI MAIN CHAHTI HUN WO AAPKO BHI MILE Waise toh main logo ki chhoti moti help karti rehti hun par aaj pehli bar aapke saath share kar rahi hun chhota mota daan karne ke liye aapko kahi door jaane ki ya koi charitable trust kholne ki zaroorat nahi hai. aap apne aas paas nazar daalenge toh pata chalega ki logo ko chhoti chhoti cheezon ki kitni badi zaroorat hoti hai. Main apne area ke medical me gayi dekha toh waha darvaje par ek 70 saal ke buzurg gaurd ki duty pe the wo khans rahe the bahar nikalkar maine puchha ki davai nahi lete kya toh unhone kaha pagar hone par lunga abhi paise nahi hai maine puchha kaunsi dava lete ho aap toh bole 54rs ki ek bottle aati hai usse thik ho jayega maine turant unhe wo bottle lekar di phir unke routine k baare me puchhne par pata chala ki wo roz 40mns ghar se medical tak n medical se ghar tak chalkar jaate hain matlab 40 mns jaana n 40mns aana aur 12 ghante ki duty hoti hai aur pagar sirf 8000rs milta hai ghar par bimar wife hai inka ek beta padh raha hai aur doosra chhote mote kaam kar ke thodi bohot kamai kar leta hai isliye ye iss umar me bhi kaam kar rahe hain unke paas mobile nahi tha maine unko ek mobile lekar diya bohot khush ho gaye phir bus ka poore mahine ka paas nikalkar diya (Sochiye ye 8000 rupaye ke liye kitni mehnat karte hain hum week-end pe family ke saath kahi jaate hain toh 5/7 hazar yuhi uda dete hain. uske baad unhone mujse rakhi bhi bandhvayi main bata nahi sakti ki muje kitni khushi ho rahi hai ,,,,bas itni si help ki maine Mere itne fan followers hain isliye share kar rahi hun taaki aap bhi kisi na kisi zaroorat mand ko aisi help kare 🙏🏼🙏🏼🙏🏼🙏🏼