Matin Sotudeh Instagram – فِلک وا کی بُوِم دردِ دَرینم؟
که پِی بُورَ دِ کوم جورَ زِوینم؟
مِ خُم دونم کومی کافر دِ اول
چِنی وا غصه کِردَ هُم نِشینِم *** لُرم… یعنی که ایرانی اصیلم
خدا دونه چی تَشِ زیر بیلم
رِفیقِ شَنگ قِطار وُ کوه وُ بِرگِم
مگر دُشمِ دِ خواو بِیِنَ ذَلیلم *** دلم گاهی وِ پَهنی آسمونَ
زِمونی چی هُماری دیلِرُونَ
تَمومِ دِلخوشیم ایران زِمینَ
که دونم قورِسونِ دُشمِنونَ *** تو هم ای هُم وطن ، زخمی پِلَنگی
اَسیرِ کُنجِ ایی زِندونِ تَنگی
کَمین کِردیَ دونم روزگاری
تو او شِمشیرکِروژِ روزِ جنگی *** مِ دونِم تو مویی باد بهاری
دِمارِ یَخبَنونِ دِر میاری
می سازَ سیپِریسکی سیکِ اِیوُ
وِ ذوقی آشیونی یادگاری | Posted on 31/May/2018 21:30:23
