Mohamed Outaka Instagram – مش عارف ابدأ منين بصراحه من جمال التجربه
وفرحتى بيها ربنا كرمنى بفرصة حلوه اوى فى اخر حدوته بمسلسل ( حلوه الدنيا سكر ) @helwaeldoniasokr وعلى الرغم من انها اخر حدوته فى المسلسل حسيت من اول يوم تصوير انى معاهم من اول يوم فى العمل احلى اجواء تشتغل والكل بيساعدك عشان تعمل شغل حلو حاله وطاقة ايجابيه رهيبه وغريبه جداً من الكل تخليك تشتغل باقصى طاقة عندك ❤️❤️
ومش عارف اقولك ايه يا اختى يا حبيبتى من يوم معرفتك وانتى قلبك ابيض زى ما انتى زى صخر الجبل مبتتهزيش ربنا يحميكى ويكتبلك النجاح دايماً ومبروك على النمر مقدماً 😉حتكسرى الدنيا ان شاء الله @hannahelzahed احلى والذ كواليس يعنى الاجتهاد يزيادة والشطارة والكيميا والتفاهم وازاى تطوع كل ادواتها لاى حاجه فى خدمة اى حاجه عايز اقولها ولا اعملها ميرسى اوى يا نونا على كل حاجه حلوه منك بجد ميرسى اوى 😍😍💚❤️💚❤️💚
اما بقى المخرج الاستاذ الكبير اوى @khaled_halfawy
اشكرك على ايه ولا ايه بس يا استاذ ملحوظه هامه للجميع الاستاذ @khaled_halfawy مخرج مسلسل بدل الحدوته تلاته وصاحب شخصية موستا ( يا چيمى انا عايز اعيط ) وبعد ربنا سبحانه وتعالى كان سبب لحاجات حلوه كتير تحصلى واخرها الفرصه الكبيره دى شكراً يا استاذ على ثقتك وشكراً على ترقيتك الكبيره دى على راسى اقسم بالله ومهما شكرت يااستاذ وقلت ابيات شعر مش حتديلك حقك يا استاذ يا كبير اوووى ❤️❤️❤️
انتى عارفه كل اللى فى قلبى يا عشرة السنين يا احلى عيش وملح القلب الطيب اكتر حد بيستحمل ويسمع كل الشكاوى واى حاجه قرفانه 😂😂😂قمة البروفيشنال والشطارة حبيبة قلبى المخرج المنفذ @sarahgeldin ❤️💚❤️💚
وشكر خاص لكرو الاخراج كله الاستاذ حسن والاستاذ عمرو ويوسف ورهف واختى الصغيره العشره مى وائل عاش يا رجالة ❤️❤️❤️❤️❤️
وهيثم ناصر مدير التصوير شكرا يا حبيب اخوك على الدلع اللى دلعتهولى ورجالتك كلهم وبسام حبيبى شكراً يا رجالة على الدلع ده كله ❤️❤️❤️
وحبيبى واخويا المنتح الفنى استاذ امير مصطفى الاحترام والادب والاخلاق العاليه متشكر جداً يا حبيبى على كل التعب اللى تعبتهولك وفرهدة المواعيد 😂😂😂 ❤️❤️❤️
شكراً يا استاذ @abouzekri شركة @productionkmedia على ثقتك وتشجيعك من مسلسل الوصية وانت ليك غلاوة خاصة فى قلبى وبتشرف وانبسط اوى لما بشتغل معاك مبروك على المسلسل وان شاء الله بداية الخير كله يا حبيبى ❤️❤️❤️
وشكراً جداً لبيتى اللى بدئت منه فى الدراما اصلاً بقى 😂😂
احلى بداية شركة @synergy.tamermursi @tamermursi شكراً الى مالا نهاية ❤️❤️❤️❤️
يارب الحدوته تعجبكم | Posted on 06/Apr/2021 04:57:24
