Magdy El Hawary Instagram – الفيلم ده مكنش معمول لأى حد .. الفيلم ده هو المعنى والشكل الطبيعى لوصف جيل الثمانينات .. عارف لما تشوف فيلم لتارنتينو ومتفهموش زى حدث من قبل فى هوليوود .. فا يتقالك ده فيلم عن المجتمع الأمريكى في فتره زمنيه معينه وهي بداية السبعينيات .. اهو أيس كريم فى جليم .. هو نفس نوعية الافلام دى.. فيلم اتصنع عشان تشوفه بعد ٣٠ سنه تفتكر كل نوستالچيا الثمانينيات بتاعتنا وجمالها وعظمتها .. الچاكت الجلد وموضة اشترى race ولا تجيب عربيه .. الواكمان وجماله .. العاب الفيديو جيم الى بكوين .. بافه الشعر .. والشله الحقيقيه .. افلام الفيديو .. وشرائط الكاسيت .. الحب من نظره واحده بجنونه .. طيش جيلنا وتوهته ما بين عدم الأعتراف ب افكارنا الى خفنا نعلن عنها عكس اجيال اخرى … واهم حاجه بساطه جيلنا .. احنا نعتبر اكتر جيل كان بسيط جدا كان يحب اغانى مايكل بس ميقلدوش .. كان يحب يلبس لبسه بس ميتريقش على لبس غيره .. حتى مواصفات عمرو دياب بأدبه الى رفض يعمل علاقه مع واحده ميعرفهاش لما قابل مودى الأمام و سبها ومشى .. واتريقوا عليه .. احنا كنا جيل نقرب بس مانلمسش.. احنا الجيل الي عرف يعنى ايه حب .. احنا اخر جيل فعلا أتربى ودى حقيقه .. بالعكس كل مواصفات شخصية عمرو دياب في شخصية سيف هى شخصيتنا الى كان نفسنا نكون فيها .. احنا جيل حضر السينما الحقيقيه العظيمه كان متذوق مميز للفن والأيس كريم … مكنش فيه حاجه اسمها سينما نظيفه وسينما مغسوله بديتول .. كانت عقولنا بتفهم يعنى ايه فن .. خيرى بشاره المخرج المايسترو عزف على اوتار جيلنا ازاي نشوف نفسنا .. تانى من تانى ونفتكر اسكندريه بتاعت زمان الجميله .. والصديق الوفى زى أشرف عبد الباقى .. المخرج العظيم كان اكتر واحد فاهم معنى كلمة ووصف السينما أن السينما هي حلم تقدر تساعد المشاهد أنه يهرب من واقعه لمده ساعتين يقدر يحلم فيهم .. الفيلم ده في نهايته نفس نهاية فيلم لالاند .. الاغنيه الاخيره ورميه للعكازات هو حلمه الي حققه .. وكأنه حلم .. زى احلام جيلنا الي كتير ماتحققتش الا فيى احلامنا .. حتى الوان الفيلم وصورتها هاتلاقيها بالظبط شبه الحلم .. وده اسلوب خيرى حتى في نهايه فيلم يوم حلو ويوم مر لفاتن حمامه لما عمل اضاءه عاليه على ابنها وهو راجع لبيته .. كان مجرد حلم .. مجرد حلم .. بس حلم جميل .. كل ماننساه .. نشغل الفيلم .. Medhat El Adl – Khairy Beshara Ahmed Fahmi – Ezz Eldakrory Tarek El Tahtawy – Nabil Bergas Amr Tantawy – Ashraf Abdel Baky Hossam Hassan Hossny Yasser Anwar – Teymour Kouta Delta Sound – صوت منقول 👏👏