Ahmed Abdelhamid

Ahmed Abdelhamid Instagram – شباب كتير زى حالاتى كدة .. بيجى عليهم وقت يكونوا مشتتين و متخبطين فى أفكارهم .. مش عارفين الى هم فيه ده صح ولا غلط هو أنا كدة بضيع وقت ولا أنا ماشى صح .. حبى لشغلى و شغفى بيه خلانى أبعد عن تعليمى و انا فى نص المشوار .. و بعدت كتير ٤ سنين تقريباً كنت مقرر انى مش عايز أكمل و شايف ان ده تضيع وقت و هاخد الشهادة أعلقها عالحيط و مش هتفيدنى بحاجة و الكلام الى شباب كتير بتفكر فيه و كنت مقتنع جداً .. و برغم انى كنت باخد خطوات كويسة و ثابتة فى شغلى .. الا انى دايماً كنت حاسس بحاجة ناقصة .. حاسس انى مش عامل الى عليه فعلاً .. كسلان .. أنانى .. ثقتى بنفسى قليلة .. ده غير عدم تقدير لأهلى الى تعبوا و صرفوا عليا عشان يفرحوا بإبنهم و بعد ما السنين عدت اتملكنى الإحباط أكتر إنى إزاى هرجع دلوقتى و أكمل أنا دفعتى كلهم اتخرجوا و اشتغلوا و اتجوزوا و خلفوا كمان .. هرجع ادخل مع زمايل جداد معرفش فيهم حد و احتمال يفتكرونى معيد أو بشتغل فى الجامعة و ده كان بيحصل فعلاً 😁 .. لكن ربنا بفضله وقف جمبى و بعتلى الحافز و الإلهام ووقفلى ولاد الحلال زى ما بنقول و فتحلى باب و فرصة جديدة و يمكن كانت أخيرة إنى أرجع و أكمل .. و الحمدلله اتوفقت و كنت قد وعدى لنفسى انى هخلص تعليمى لنفسى مش عشان اى حاجة تانية و الموضوع مكنش سهل خالص نفسياً اكتر من عملياً ده غير الكورونا طبعاً و اللخبطة الى عملتها فى نظام التعليم الى متعود عليه .. و لكن الحمدلله حصلت على شهادة البكالوريوس اعلام و انهاردة بس احترامى لنفسى و ايمانى بيها زاد و بقيت مصدق إنى أقدر أعمل أو حاجة .. شكراً لأهلى الى تعبتهم معايا فوق فوق فوووق طاقتهم و استحملوني و فضلوا فى ضهرى لحد ما اتخرجت .. شكراً لزمايلى أو ولادى الى فى الجامعة الى كانوا بيساعدونى عشان اقدر انجح و اعدى ترم ترم .. و أخيراً شكراً للجامعة المحترمة @msauniversityofficial الى اتشرفت انى كنت طالب فيها لأن مهما قولت و وصفت المسئولين و الدكاترة و المعيدين بتوعى وقفوا جمبى ازاى و مهما شكرتهم مش هوفيهم حقهم .. وأخيراً شكراً لنفسى انها مخذلتنيش قدام نفسى و أهلى و الناس كلها .. و ياريت أو حد وقع فى نفس الفخ بتاعى ده ميحسش بيأس و يكمل عشان دايماً فيه فرصة تانية انك تكسب نفسك من جديد 🤍
OFFICIALLY A GRADUATE ELHAMDOLELAH 🎓😍 | Posted on 10/Sep/2021 02:33:54