Zakir Khan Instagram – Kisi aur ke kaam me aise saath dena ki maano khud ka hi kaam ho. Kisi ke ghar mein aise rehna ki ghar waale bete jaisa pyaar karne lage. Logon ki zarurat par khade rehne ka hunar aur waqt par saath khade rehne ki samajh sabke bas ki nahi hoti hai. Par inn saari khoobiyon se Allah ne @randomvarun ko nawaza hai. Behad zaheen(intelligent) aur har-dil-Azeez insaan. jisne apne ghar ke financial haalaat, apne neeji zindagi ki mushkilein, apne pita ki maansik bimari (Schizophrenia) ko apni kamzori nahi banne diya. Yeh bhi kya kamaal hai ki baat hai jiss insaan ko usska poora khandan aur samaaj uski bimari ki wajeh se kam dimaag ka samajhte ho- aaj uska beta hindustan ke sabse padhe likhe samajhdar logon me se ek hai. Yeh kahani unki hain aur shayad unhe hi kehni chaiye par jaise insaan woh hain , mujhe lagta nahi woh khud se yeh kabhi keh payenge … isliye unki izzazat leke main keh raha hu I know I am late to the party par Belated happy Birthday kumar varun, I love you bhai.