Gessica Généus Instagram – DESEN : @pyelila Ret fokis sou priyoritew Pa kite plat manjew pou al kouri dèyè zo. Gen kèk vye chodyè ki merite jete se pa tout pou kenbe. Pa pè desann machin nan, paske gen kote se pyew ak fòs kouraj ou kap ka mennenw. Pa kite bri marengwen anpechew tande bon misik kap jwe. Pran moman sa pou rebat kat la. Sonje chak kote ou kanpe pou gade lavi a, wap ka dekouvri yon lòt jan pou wè sa wap viv yo. Pa pè chanje pozisyon, fè bak fè avan. Gade ak linèt, gade san linèt. Ke ou vlel ke ou pa vle demen ap premye janvye alòs pran tout sa ki positif yon rekòmansman ka pote ba ou. Mèsi ak tout mounn ki te pase ane sa ak mwen, ak nou. Mèsi pou kòmantè, refleksyon nou pataje ak mwen. Sonje chak sa mwen ekri pou nou, mwen di tèt mwen li tou. Se ansanm nap aprann. Ansanm nap mache sou chimen libète pou lespri nou, pou nanm nou. Anpil lanmou. Bòn Ane G.G