Surabhi Lakshmi Instagram – ഒരു അഭിനേത്രിയെന്ന നിലയിൽ അംഗീകാരങ്ങളും അഭിനന്ദനങ്ങളും എന്നെ തേടിയെത്തുമ്പോഴും മനസ്സിൽ ഒരു നോവായി മയങ്ങുന്ന ഒന്നുണ്ട്.
നാല് വയസ്സിൽ ഒരു തയ്യാറെടുപ്പുകളുമില്ലാതെ എന്നെ സ്റ്റേജിലേക്ക് കൈ പിടിച്ചു കയറ്റിയ, എന്നിലെ കലാകാരിയെ തിരിച്ചറിഞ്ഞ എന്റെ അച്ഛൻ.
ഇന്ന് എന്റെ സിനിമകൾ കാണാൻ, എന്റെ ഈ യാത്രയുടെ മധുരം പങ്കിടാൻ പപ്പ കൂടെയില്ല…ഞാൻ പതിനൊന്നാം ക്ലാസ്സിൽ പഠിക്കുമ്പോൾ പപ്പ പോയി.
പക്ഷെ ധൈര്യത്തോടെയും സ്വാതന്ത്ര്യത്തോടെയും എന്നെ ജീവിക്കാൻ പഠിപ്പിച്ച പപ്പയുടെ ഓർമ്മകൾക്ക് മരണമില്ല.
സ്റ്റീയറിങ് പിടിപ്പിച്ച് ഡ്രൈവിംഗ് പഠിക്കാൻ പ്രേരിപ്പിച്ചതും, ചാക്കോ എന്ന് വിളിച്ച് എന്റെ മൂക്ക് പിടിച്ച് വലിക്കാറുള്ളതും, ബാർബർ ഷോപ്പിൽ കൊണ്ടുപോയി ബോയ് കട്ട് അടിപിക്കാറുള്ളതും, എല്ലാം ഓർമച്ചെപ്പിൽ ഭദ്രമാണ്.
#HappyFathersDay | Posted on 19/Jun/2022 14:54:18