Bondy Chiu Instagram – #圖文不符婆媽post #珍寶海鮮舫 呢個地方 對好多人嚟講 可能都係討論食物質素呀性價比呀嗰啲嘢 但係對我嚟講 佢係一個好浪漫嘅地方 細個時嘅認知 除咗去鯉魚門三家村要搭駁艇仔之外 就只聽過珍寶海鮮舫都係咁樣樣⋯ 大個咗 去過珍寶飲茶食點心 但究竟好唔好味 我已經唔記得 淨係好記得 搭船仔過去嘅時候嗰種浪漫嘅感覺 就好似我鍾意一個人去搭電車一樣 就係鍾意嗰種漫 嗰種浪漫 籌備婚禮嘅時候 本來打算想要一個有戶外有草地嘅地方 但係搞過婚禮嘅人都知道 婚禮場地有幾咁難預訂 我哋兩個好好彩 係搞婚禮之前嘅一年 陪咗個美國返嚟探親嘅朋友去咗嗰度飲茶 就係咁 俾我哋發現咗原來海鮮舫頂樓當時係由CafeDeco經營緊嘅西餐廳TopDeck 環境裝璜食物都非常合我倆心意 就係咁 我哋就打消咗要草地嘅念頭 改為喺舺板上行禮❣️ #MrAndMrsSo Jumbo Kingdom