Nidhi Narwal Instagram – 21-08-2022 / PUNE / TWO BACK TO BACK AND PACKEDDD SHOWS! 💖 Pune, I think this city is going to forever remain my favourite city! Ye rahe kuch kisse is shehar ke – Maine travel mein bas ek jodi sandals leke gayi thi jo toot gaye. Us wajah se show mein joote pehen ke jana padaa jo ki pair ko kaat rahe the. Toh show karne se pehle joote utaar diye maine. Audience mein se kuch log impromptu jaake mere liye ye sandals (ya jooti) leke aaye! Matlab kyaaaa hi pyaar yaar 😭 mujhe sandals bohot mushkil se perfect size ki mil paati hain, but ittefaaq se ye wali bina try kiye hi ekdum sahi mili! Maine logon se mazaak mein kaha tha ki mere mic ke sath photos lelena yar koi leta hi nahi hai dhang se! Aur logon ne kya sundar sundar photos khich ke bheje ❤️ Jab Pune se wapas Delhi aa rahi thi toh flight board karte waqt mera boarding pass dekh kar mujhe is ladki ne kaha ki mam aap side mein aajaiye ek minute. Maine poocha usse ki kya issue hai exactly? Toh wo boli ki “aapko seat bohot piche hai, main aapko aage seat dilvati hu” Phir maine pucha ki jo already seat hai usme koi problem hai? Toh wo boli ki “actually mam maine aapko pehchaan liya tha! Main bas boarding pass par aapka naam dekhne ka wait kar rahi thi ki confirm hojaye ki aap hi ho. Bohot accha laga aap se milkar, bohot accha kaam karte ho aap! aap araam se aage baitho! Pune aate rehna please” ❤️ Dost, main tumhara naam puchna bhul gayi, maaf karna uske liye. Par tum yaad rahogi :) Aur basss! Main aa gayi hoon delhi, mera dil reh gaya hai pune ke logon ke paas. Aur akhiri photo mein dekho ki ye shehar upar se kitna khubsoorat lagta hai. Par ye shehar qareeb se aur bhi zyada sundar hai 💖 #nidhinarwal #jazbaat #justbaatnahijazbaat #pune Pune, India