Mohamed Mamdouh Instagram – اللي عارفني عارف ان مش من عادتي اتفرج على عمل فني انا شاركت فيه بس مسلسل وش وضهر أبهرني وعرفت بالصدفة اني مشارك في عمل بالعظمة والجمال ده. عشان كدا ده ممكن يخلي شهادتي في الموضوع ده مجروحة شوية للاسف بس هقولها برضه،.
مش عارف الصراحة اوصف العظمة اللي عملتها مريم ابو عوف ازاي.. ده غير انها من الناس اللي ساهمت بعد ربنا في وجودي في الوسط الفني طبعا من خلال دعمها الكبير وايمانها بيا في واحد من اهم الاعمال اللي شاركت فيها في حياتي فيلم بيبو وبشير.
شكرا يا مريم على مسلسل وش وضهر.. شكرا اياد نصار وريهام عبد الغفور على الاتقان الاستثنائي للادوار٫ شكرا ثراء جبيل واسلام ابراهيم وشريف دسوقي وفدوى عابد ومحمود قابيل.. الناس كلها في المسلسل ده خطيرة وشاطرة بشكل مش طبيعي حتى الشباب اللي داخل يعمل ادوار صغيرة كلهم شاطرين جدا.. وعايز اشكر كمان مديرين التصوير نانسي وجبر الصورة مش طبيعية يا جماعة وريم العدل عاملة ملحمة حقيقة بلبس وستايل الشخصيات.. شكرا عبدالله ابو الفتوح واحمد يوسف ومحمد سيد.
شكرا فريق العمل بالكامل ورا وقدام الكاميرا على العمل الاستثنائي ده وشكرا ورشة سرد ومريم ناعوم وانصحكم تشوفوا العمل ده بجد مش تسويق ولا حاجة. | Posted on 17/Aug/2022 21:35:30
