Yasser Al Azmah Instagram – لولا الطبش ولولا الكسر ولولا الكاسة المكسورة
لولا الاستهلاك اليومي مابتعمر هالمعمورة
مرتي بتكسرلا يومياً ابريقين وزهرية
ومافي بمطبخنا زبدية صحيحة مالا مشعورة
صحون البلور الوطنية ساكب فيها ملوخية
وقالو انها ضد النار بلحظة طقت مفجورة
التريا بسقفي مشنوقة وكل لمباتها محروقة
ويومياً عم ادخل بيتي بإيدي سوكة وبلورة
بجيب السمنة بتخلص جبنة
وكل يوم والتاني لبنة
ولازمنا كيلو شعيرية وزيت وعلبة بندورة
يلي بدو يفتح بيتو لازم بدو يلحق كبريتو
والحنفية بدها جلدة وعم تزرب هالماسورة
لولا الطبش ولولا الكسر
ولولا الكاسة المكسورة
لولاكي ياكاسورة ماعمرت هالفاخورة
لولا الطبش ولولا الكسر
ولولا الكاسة المكسورة
لولاكي ياكاسورة ماعمرت هالفاخورة
#ياسر_العظمة #مرايا #اغاني_مرايا
1988 | Posted on 06/Jul/2022 21:48:12
