Zahra Habib Instagram – مخيم لاجئين… كلمة ممكن نكون تعودنا عليها ونسمعها هوايه بالأخبار وبمواقع التواصل الأجتماعي … عادةً معناها بالنسبة النه هو التعب والأذية وشي سلبي بس الواقع شي ثاني … هي الظلم بأشد مراحله هي فقدان الأمن والأمان هي التشرد بكل ما للكلمة من معنى هي الأنسان اللي ماعنده لا حول ولاقوة هي الانسان اللي فاقد السيطرة على حياته وقراراته هي انك تعيش والناس تتحكم بمصيرك هي معناها الأنتظار ايام واشهر وسنين بدون نتيجة منظمات دولية و وزارة و رئاسة حكومة الكل يريد يلكى حل لمشكلة معقدة ومتشعبة وبيها اطراف هوايه … ليش هاي الناس ما ترجع لبيوتها واراضيها اللي اغتصبتها داعش؟ لأن ماعندهم اوراق ثبوتية ولأن عشائرهم وعائلاتهم تبرت منهم شنو لازم افكر من اسمع بنية عمرها 20 سنة اغتصبوها داعش تكلي اهلي ميريدوني لأن انخطفت واغتصبوني ؟ شنو لازم افكر من ام تكلي جابوني لهذا المخيم بس بنتي بقت وحدها بذاك المخيم؟ شنو لازم افكر من سيدة تكلي اني ماعندي هوية ؟ ممنوع الدخول والخروج الى هذا المخيم رغم كلشي متوفر ودتشوفون بالفيديو انوا اكو اهتمام جبير ورعاية جبيرة بس يبقى اسمه مخيم اخترنا انوا نحتفل بعيد المرأة هاي السنة بمخيم الجدعة تحت رعاية وزيرة الهجرة والمهجرين المحترمة ايفان فائق كل يوم والمرأة هي احلى جدعة بهذا الكوكب كل يوم وهي صبورة وقوية وعندها امل 💪 مخيم الجدعه