Zakir Khan Instagram – Tathastu taping Day 1: Set galat ban gaya hum logon se, Jiski wajeh se 80% of the audience was unable to see the performance from their seats. Bhayanak chaos, Pillar gir gaya. Uss din ke shoot ka poora taam-jhaam kisi kaam ka nahi raha. Bahut paise ka nuksaan hua, kyunki woh din kharab ho gaya aur jo 3rd day humko add karna pada uska extra kharcha hua so alag.(kismat se next din date available thi venue ki) @zeeshan_malang aur @xankurkaushikx were in tears, aur yeh sab mere stage par jaane se pehle ho raha hai. 2 hours baad we decided to still do the show! Logon se maafi mangi aur show shuru kiya. Uss din audience ke log jo aakhir tak ruke aur support kiya. Mai har uss insaan ka saari zindagi ehsaan-mand rahunga. Maine apni zindagi ka sabse Aacha show kiya uss din, par record nahi ho paaya. Kabhi-kabhi lagta hai ki ab toh pehle jaisi buri kismat nahi hogi meri. Aur phir aisa kuch ho jaata hai toh phir wahi lagta hai ki “Saala apna koi kaam ek baar me kabhi hota hi nahi”. PS: yeh photo uss din der raat ki hai.