Yasmine Ghaith Instagram – ٩ شهور…يعني تقريبا ٣/٤ السنة (٢٠٢٢ علي ٢٠٢٣) كانوا أقل ما يقال عليهم عذاب…جسدي و معنوي… (Swipe to see my best friend) غير العمليات و الأوجاع و الأسابيع اللي قضيتها في المستشفيات، كان فيه إبني…ولد عنده ١٠ سنين، مامته بتعمله ٩٠% من حاجته و بتوديه تمارينه و حصص الرسم بتاعته و و و…..لفجأه مامي نزلت راحت المستشفي و مش عارفين عندها إيه ولا هترجع إمتي…و ده كان عذاب لوحده بالنسبالي و كان أكبر همي، لدرجة إني كنت و أنا لسة بفوق من التخدير ماباقولش غير “مالك” 🤷🏽‍♀️ الحقيقة إن الأطفال (من رحمة ربنا) بيستوعبوا كل حاجة طبعا لكن ربنا بيخلي كل حاجة تنزل عليهم برحمة و أبسط من تخيلنا…إبني كان زعلان و مهموم و كانوا صحابي مش بيسبوه و بيخرجوه طول الوقت معاهم لكن حكولي بعد كدة إنه كان بيكون برده مهموم و زعلان…لكن ربنا رحيم و بيخلي كل حاجة تعدي عليهم بطريقة أبسط… رجع حضني تاني ألف حمد و شكر ليك يا رب 🧿🧿🧿 و قدرت نعم ربنا عليا أكتر من الأول تاني (اللهم ديمها نعمة يا رب)، و الحياة تصعب عليا أكتر بأوجاع و فحوصات أعيش بيها أكتر و أكتر و لكن يبقي شئ واحد أكيد، إن ربنا خطته أحسن من ألف خطة بنحطها لنفسنا… مش هنعرف السبب و الخطة الأحسن علي طول، بس هنعرف في يوم من الأيام! بحبكم 💙 #WonderWomanIsBack #WonderWomanTheyCallMe #AlwaysWearYourSmile