Zahra Habib Instagram – الكتب السماوية اربعة اني قارية منهن تلاثة القران الكريم عبارة عن مجموعة واسعة جدا من القصص والعبر بمرحلة معينة من قراءة الايات تبجي اكو لحظة من تقرا بيها عدد من الايات العين تدمع بلحظة معينة من حياتنا من تضيق بينه الدنيا والقهر يملى القلب نفتح القران ونقرا من نريد ندعي نفتح القران ونقرا من نطلب شي من رب العالمين ويصير من الفرحة نفتح القران ونقرا هو مو مجرد كتاب سماوي نقراه وخلص هو شي مقدس عندنا ماكو بيت مسلم مابيه قران واصلين مرحلة نحط ايات بجنطنا بسياراتنا بمكاتبنا هذا مو بس ايمان او حب لا هذا صدق احنا صادقين بحبنا لهذا الكتاب وايماننا بيه عادي انوا ناس تأذينا تعتدي علينا تسبنا وتكون عنصرية ويانه بس مو عادي احد يتقرب لهذا الكتاب هذا الكتاب ممنوع المساس بيه شكرا لكل المسلمين اللي ما همهم هذا الاعتداء وما حجوا عنه لان بسببكم فهمنه انوا احنا الاصدق بحب هذا الكتاب واحنا الاصدق بالحفاظ على قدسيته💚