Bonnie Wong Instagram – 無錯，虎牙即將出歌。 由創作到錄歌再到拍MV，成單嘢認真到自己都驚，主要係驚自己__。你知啦，因為自資出歌而變成indie歌手，定係因為自資出歌而變成慈善晚會啲疊水主席，從來只係一線之差。亦都因為咁，原本上年要做嘅歌，一直拖延至今年，等到阿占問我同梁子做唔做演唱會暖場嘉賓，先真係破釜沉舟開始做。（其實老爺真係好大膽） 咁點解突然之間又衝破到心理關口？可能係因為我諗通咗，做主席其實都冇乜唔好。有人賺錢去買樓，有人賺錢去旅行，有人賺錢養妻活兒。啲錢用嚟做乜，從來唔係重點。對我嚟講，賺錢從來目的只有一個，就係讓自己有本錢做自己喜歡嘅事。開咖啡店如是，做虎牙亦如是。說到底，我只係想開心。 如果想開心，為甚麼需要等？如果想開心，都要顧慮呢個世界點睇我，都未免活得太有偶包了吧。可能結果係好__，但我諗到我死嗰日望返轉頭，我都會好慶幸自己曾經咁盡心盡力去活過，開心過。 玩得嚟又不失認真，就係虎牙🐯🦷 謝謝你哋一齊玩 @leunggchi @elsie_lui @teddyfanguitar @wwcherman @kongvenus ( and thank you for your 靚相！）