Tamer Hosny Instagram – لفت نظري البوست ده استاذ رامي انت فنان محترم و ردك حقيقي راقي رغم تعرضك لكلام محبط انت مردتش الاساءه بالاساءة و ده ليه اعتبار كبير اوي فوق ما تتصور عند ربنا قبل البشر و ممكن تكون جواك زعلت بس اكيد التعليق اللي زعلك ده ممكن يكون سبب في حاجه تفرحك قريب و هتشوف كلامي و انا شخصياً مكنتش عارف انك بتمرن تمثيل و عرفت من البوست ده و هبعتلك شباب يتمرنوا عندك و اتمنى اقابلك و اتعرف عليك و نفتح باب شغل مع بعض …. و اتمنى من الشاب اللي كتبلك كده انه يراجع نفسه و ميحاولش يحبط حد تاني لان الكلمه المحبطه فعلاً ممكن تموّت بجد و يكون تأثيرها اكبر من السلاح ….. التعليق السلبي اللي اي حد بيكتبه بمنتهى البساطه و هو في بيته بيضحك !!!! ممكن يكون سبب في قتل حد نفسياً او يكون سبب في تدمير اسره او سبب في جرح روح كانت فرحانه و متفائله و بسببك كل ده اتهد…. ربنا يوفقك يا فنان يا محترم (( يا شباب خلونا رحيمين على بعض عشان ربنا يرحمنا )) عشان كل ما بقيت رحيم في كلامك هتلاقي ربنا بيسخرلك في عز زعلك و احباطك ناس تفرح قلبك بالكلام الرحيم اللي يقويك على الدنيا