Tamer Hosny Instagram – حبيت اشارك معاكم الڤيديو ده عشان خطير جداً و مفيد جداً من العالم الجليل الدكتور عمر عبد الكافي بالنسبه لكل شخص عايش في قلق الرزق (( اوعى تخاف )) طبعاً لازم نجتهد و نعمل اللي علينا عشان احنا علينا الاجتهاد و التوفيق بأيد ربنا و لو أتأخر فهيكون لمصلحتك برضو المهم منبطلش نجتهد اسمعوا الدكتور عمر هتطمنوا لما تفكروا ثانيه ازاي ربنا بيرزق الجنين في بطن امه ، لما تحس انك عملت اللي عليك و انك ضعيف و لا حول لك ولا قوه الا بالله (( إوعى تخاف )) افتكر ان الجنين برضو لا حول له ولا قوه عشان كده ربنا معاه و بيرزقه الاكل و الشرب و المعيشه الفرق انك في الدنيا فعليك انك تجتهد لانك ادركت الدنيا ، محدش يعتمد غير على اجتهاده اللي ربنا امره بيه و يثق في عدالة ربنا ان فعلاً من جد وجد و من زرع حصد و لكل مجتهد نصيب و لو اجتهدت و لقيت الباب مقفول في وشك اعرف ان ربنا قفله مش عشان يضايقك لاء عشان يوجهك لباب تاني اجمل ليك بس انت متعرفش ، و الشاطر اللي يستوعب و يفهم ده و ربنا يرزق الجميع 🤲 اللهم آمين