Snow Suen Instagram – 好榮幸已經係同Yanki第二次續約， 擔任美胸代言人， 由六年前第一次啱啱生完水哥， 就同Yanki開始第一次合作， 我係一位真實用家！ 除咗佢哋嘅豐胸療程同保養treatment 好Work, 亦想喺度同大家分享下， 作為「產後媽咪」嘅心路歷程！ 喺懐孕期間， 我一直都好期待去迎接肚入面小生命嘅誕生，到BB出世，梗係開心啦！但望一望自己嘅身形，加上產後荷爾蒙嘅影響，喺醫院嗰陣，真係憂慮到喊！首先自己身體上嘅變化，加上身體上嘅不適，而且好多媽媽喺呢段期間，都會好在意自己胸部會變形、下垂！ 一方面好想餵母乳俾小朋友， 等佢有最好嘅抗體，但上奶嗰陣，個胸真係又痛又硬，尤其今胎肉肉哥，因為唔係好肯埋身，成日要泵，泵唔清塞住咗就會有石頭胸嘅情況出現！胸部又硬又痛，真係好崩潰！ 曾經有幾次就算點努力泵，塞咗嗰個位都係好痛，嗰種痛係令你好冇心機，會發脾氣㗎！我陪月姨姨，就用手嚟幫我通乳線，用盡全力咁去「練」落去，我嗰下真係尖叫咗出嚟，啲眼淚都標晒出嚟！但係又唔想放棄餵母乳喎，嗰下真係又難受又心急，身心都係一種煎熬。相信唔少新手媽媽都會明白我當時嘅心情！ 突然我諗到，點解我咁蠢唔打俾Ivy，Ivy好好呀，佢知道我呢個情況即刻安排咗醫師上我屋企幫我疏通乳腺, 除咗人手按摩，仲要用啲儀器暖暖哋推好舒服，咁就搞掂咗啦！ 疏通完即刻覺得舒服咗,最重要係我解決塞乳問題，可以繼續餵母乳俾BB飲喇~即時身心都舒暢晒！ 體驗過之後，我真心覺得幫助真係好大,所以之後我都keep住做呢個乳腺疏通療程。醫師專業嘅手法,唔止減輕咗胸部嘅硬度同疼痛,上奶都容易咗好多啊,同時我都體會到一個好重要嘅道理: 身體唔舒服千祈唔好怕尋求幫助,醫師同專業人士都係支持我哋嘅資源，佢地能夠幫助我哋克服呢個困難，同埋令我哋有更好嘅哺乳經驗。要儘快尋求幫助，唔好拖先係最好嘅解決方法。 解決左「石頭胸」帶比我嘅影響之後,我成個人既狀態都好咗好多。我明白當我哋做咗媽咪之後，我哋可能會感到不安，覺得自己唔夠靚，因為我哋嘅身體可能唔再係之前嘅樣子,但其實呢個係一個錯誤嘅觀念,產後我哋都會keep得好。女人要keep 就一定keep到! 我地嘅美麗係由自己賦予,而唔係比世俗嘅框架去定義,我地有愛心、有力量而且堅強,我地每一個都美麗而獨特,我地應該proud of 自己。 成為一位產後媽咪係一個挑戰,但我認為呢個旅程，充滿咗愛同成長。大家一定要照顧好自己、裝備好自己 。我希望我嘅故事能夠鼓勵其他媽咪：無論你嘅身體狀態同身形，生產完變成點,你都係美麗嘅,唔好俾焦慮困住自己,要好好愛自己💪🏻 多謝大家聽我今日嘅分享。 #NMN「豐瑩」綻放發佈會 #最新NMN幹細胞豐胸療程 #胸部都要抗衰老 可以🌀逆轉胸齡，令胸部豐滿圓潤好似未生之前，咁有彈性活力 @yanki.bust