Itziar Ituño Instagram – Gernikatik Palestinari, haritzetik olibondoari Gernikatik Historiako lehen bonbardaketa zibil indiskriminatua jasan duen herria izatearen zoritxarreko zilegitasunetik Gernikatik gure hildakoen, zaurien eta suntsipenaren memoria historikoaren talaiatik Gernikatik Palestinari Gernikatik munduari esan nahi diogu Hemen pairatutako bonbardaketa hartatik gaur egunera arte gizateriaren historian bizitako guztia bizi eta gero munduak eta historiak ezin dutela herri baten suntsiketa bakar bat gehiago onartu munduak eta historiak ezin dutela Palestinan gertatzen ari dena onartu munduak eta historiak ezin dutela Gernika berri bat onartu Gizateriaren historian izandako sarraski guztien artean zoritxarreko leku berezia duen Gernikatik israelgo okupazioa Palestinako herritarren aurka egiten ari den sarraski etengabea geratzeko eskatzen dugu eta genozidio honekiko edozein onespen eta konplizitate irmoki salatzen dugu. Palestinako herritarrak, entzungo al duzue Gernikatik gure ahotsa? Zuen hildakoak gure hildakoak dira Zuen etxe birrinduak gure etxeak dira Zuen lur okupatua gure lurra da zuen haurrak gureak ere badira eta jakin ezazue horrorearen ondoren, iluntasunaren ondoren triskantza eta sarraskiaren ondoren dena galdua zegoela zirudien arren hondakin eta gorpu artean herri honetan arbola batek zutik iraun zuela, eta ehunka hildako haiek zeutzan lur berean jolasten direla orain gure haurrak bonbardaketen biktima haiek mintzo ziren hizkuntza berean eta hala desio dugu gerta dadin baita Palestinako lur okupatuan ere Gernikan haritza bezala, Palestinan olibondoa zutik, herrien eskubideen, askatasunen eta bakearen ikur Gernikatik, gaur egun bakearen ikur unibertsal bihurtua, munduari esaten diogu: gizakiaren desumanizazioari ez! denok gara mundu, denok gara gizaki denok merezi dugu munduan leku bat Ahanzturari ez! Genozidioari ez! Nahikoa da! Gernika berririk ez ! (Jon Maia Soria)