Brett Johns Instagram – Mae’r ymladdwr MMA Brett Johns wedi dweud ei fod bron ag ymddeol o’r gamp ym mis Mai eleni wedi i’w wraig Carys golli baban yn y groth. Wrth siarad â Newyddion S4C dywedodd y dyn 31 oed o Bontarddulais bod y cyfnod yn anodd yn “emosiynol ac yn gorfforol” i’w wraig a’i fod ef ei hun wedi ystyried rhoi gorau i’w yrfa. “O’dd en cyfnod drist i fod yn onest, o’dd e yn. Ar y pryd o’n i biti wythnos cyn ffeit ond o’n i’n gwybod o’dd e’n bwysig i aros gatre gyda’r gwraig,” meddai. “Jyst bod fyna i’n gilydd ti’n gwybod. Fel fi’n dweud o’dd e’n cyfnod galed i fi a’r gwraig ond o’dd en bwysig i fi a hi bod gyda’n gilydd ar y pryd. “O’dd fi’n mynd trwyddo fe yn emosiynol ond fi’n credu o’dd e’n fwy galed i gwraig fi achos o’dd hi’n mynd trwyddo fe yn emsiynol ond hefyd yn corfforol hefyd.”