Rabia Butt Instagram – 1-01-2024
Jab muamlaat ka akhir aur shuru dono wahan pe ho jahan zaruri ho, jahan ban’ta ho tau samajh lo darmian khud bakhud theek ho hee jata hai. Niyat ka ta’ayyun aur manzil tae tum kar lo beech kei safar mein ungli woh thaam lai ga.
Saal ka akhri din tha meri walidah kei sath qabristaan mein aur doosra yahan.
Share tau apke sath bohat sei manzar karna chahti thi par nahi kar paun geen. Yeh woh jagah thi jahan par jo mein peechlay 14 salon sei mehsoos kar rahi hun yeh bache apne peida hone kei sath sei mehsoos kar rahe hein farq yeh hai kei mein nei Maa ki chaon mehsoos zaroor ki!
Ayein mein apko insei milwati hun.
Pehli video mein choti pari kaa naam @njlahori nei Rabia rakh dya aur mujhe jor dya uske sath hamesha kei liye. yeh bachi abhi kuch din pehley hee ayi thi yahan (immature)
Wah ray Maula teri shaan teri hikmat tu hee jane.
Doosri video mein naado bohat hee pyare andaaz mein bachon ko bohat kuch sikhaate huey.
Phir aagay milein Anushe sei jo kei apne nanhay nanhay nazuk peiron sei jhoolay sei utarti hai aur wapis charh jati hai. Bohat sei bachon ko chalna is nei sikhaya hai. ♥️
Agay barhiye, miliye Meri khaala sei. Jis nei yeh sarey nanhay phool gaud mein bharh liye. Kayi bache traumatised thay, bara waqt laga unhe muskurane mein 💔
Agay is mulk ka mustaqbil,
wazeer e azam aur koi doctor koi engineer ban’na Ka khuwab liye huey 🤲🏻Ameen ya Rab
Aur phir bohat sari pyaari pyaaari bachian jo kei mili tarane parhti hein aur parhai kei sath sath courses bhi kar rahi hein, kuch tau baking bhi bohat achi karti hein, brownies mein agli baar khaoon geen unke hath sei. Bless them 💕
Aur akhir mein Rizwana tau sab ko yad hee hai na. Ma sha Allah sei uske zakham bohat had tak bharh gaye hein. Khuda kari sei kari saza lagaye un zalimon ki jinho nei usay maut kei munh tak pohanchaya tha.
Akhir mein bohat shukria naado ka. Jinho nei apne qeemti waqt sei kuch gharian mujhe deen.
Meri khala ka shukria har aise safar pe mere sath honey kei liye.
Aur mere Maula ka mujh na cheez ko is qaabil banane kei liye dhairon shukar yeh batane kei liye kei apni dau eenton ki masjid sei bahir nikal kar deikh ae nadan: ibadat sirf musaleh (prayer mat) pe nahi hoti. | Posted on 02/Jan/2024 21:03:14
