BabyJohn Choi Instagram – 牛腩麵係要出一個post！
我發覺當我要在街上自行解決午餐時，我腦海第一個浮現的影像就如上圖，一碗牛腩麵，然後味道就自然從舌邊湧起來，接著我就會在附近找一間關注組推介的牛腩麵店。十間麵店，十間都是擠迫戶，即使要靠雙手抱著所有自己的財物，有時甚至要輕微趷起腳踭以保持袋的平衡，都無阻我食牛腩麵的決心。
入到店內基本上都不看餐牌，有時一邊行至座位時，已經先揚聲：「一碗牛腩/坑腩麵」 。
今天意外地伙記聽錯給我一碗牛腩河
：「我係叫牛腩麵喎」
他無動於衷，我們凝視了數秒，我心想「攞去換啦，牛腩河我係唔會食架，你都唔駛質疑我會叫錯，無可能呀！」
剛剛想完，伙記就拿起牛腩河，換了牛腩麵給我。
麵到，恰一口湯試味後，另一重點進場- – – 辣椒油！好的辣椒油香味揚溢，將整碗湯昇華；不好的，就給你基本辣味，純粹滿足你要拿紙巾邊吃邊抺的快感。
一碗牛腩麵在香港現在要五、六十元，但要找食得飽的牛腩麵很難，要找好吃的更加愈來愈難。牛腩兩極化，要不是揦到像麵筋般腍全無口感，另一種就是比伯伯的腳皮還要硬，但我繼續努力尋找好吃的，既有肉感，又有牛香！
這一碗至少飽肚，每一次去份量依舊，雖然湯味一般，但勝在多唐芹芫茜蔥，吊一吊味。至於牛腩，跟吃伯伯的腳皮差不多，但夾起時發現有兩舊牛筋而且很腍給我驚喜。這店保持十年水準一致，即使不太喜歡，但也令我每次踏足此地時，都會去拜會一下，看看是否「都是這樣」。有時喜歡在香港找小店吃喝的原因都是這樣，想尋找從小到大吃到的味道。
滿足的不只是味道，而是看到這些小時候吃的店，還在！
埋單五十兩，走出店時心想：
OK啦～下次睇下又喺香港邊間食下先。
P.S. 爭杯C0T 少甜就完美。 | Posted on 18/Jan/2024 13:47:27
