Rana El Hariri

Rana El Hariri Instagram – بدون ما نلتقى بشكل شخصي.
أنا بأثر فيكم و أنتو بتأثروا فيني.
مو بس أنا، كل حدا بتّابعوه بشكل متواصل، وبدون ما تحسّوا رح يترك فيكم أثر سلبي أو إيجابي، حسب طبيعة الشخص والمحتوى يلي عم يقدمه و الطريقة يلي بيشوف فيها الحياة ويشاركها معكم.
ممكن اتابعوا شخصية سخيفة أو سطحية مع أنها ما بتعجبكم، من باب الفضول أو التسلية.
بس مع الوقت طبيعتنا البشرية بتخلينا نعتاد الشي يلي عم يتكرر قدامنا، والاعتياد بيولد ألفة و الألفة بتتحول لقبول وإعجاب ‼️
ومع الوقت هالشخصية يلي كانت بالبداية سخيفة بالنسبة الكم رح تصير مقبولة وممكن تبدؤوا تقلدوها وتقتدوا فيها.🙁
وهالكلام مو بس بينطبق على البشر، حتى الأغراض، متل حقيبة 👜لباس، 👗حذاء 👠 أو أي سلعة لما يتم عرضها علينا بتكرار، ممكن بالبداية ما تعجبنا، ممكن تكون مو مناسبة لتقاليدنا أو لمجتمعنا، بس لما نشوف صورها بكل مكان، عند النجمة وعند المؤثرة و خبيرة الأزياء! رح نبدأ نفكر أنه نحنا كمان بحاجتها، وأنو امتلاكها صار ضرورة بحياتنا!
لهيك بنصحكم تختاروا الأشخاص يلي بتابعوهم على السوشال ميديا والمواد يلي بتشوفوها بشكل متكرر بحذر وحكمة.😉❤️ | Posted on 21/Jan/2024 00:54:20