Razan Moughrabi Instagram – اكيد بحس مع اطفال و نساء غزة فلسطين …. ليه ؟ لاني انا كنت متلن لما كنت صغيرة … هيدي الاغنية بتذكرني بالاجتياح الصهيوني لارضي لبنان و مدينتي بيروت …. بسمعها بعقلي و بقلبي متل ما بتذكر صوت القذايف و المدافع و البوارج …. بيوت مدارس راحت … اصحاب و اهل راحوا … بعرف صوت الانفجار شو صعب مع صوت الصلوات و الدعاء …. بحس بزعل ببكي بنكسر بس لا اكيد لا والف لا …. رح قولكم اللي والدي ووالدتي ربوني عليه و بيقولوا لهلق
انت مش ضعيفة ما تخافي انت مش لوحدك الله معك ما يهمك حدا
انا اليوم عم قول لشعب فلسطين و غزة الابي الباسل الشجاع يا جبل ما يهزك ريح الله معكم العالم الحر معكم
انا نمت بالملجأ متل كتير من اطفال بلدي دمروا البيت و حرقوا الارض و الالعاب و سرقوا الطفولة بس ما قدروا يهدموا الحلم و الامل و الايمان ببكرا احلى
انا تهجرت بالجو وًالبر و البحر بنفس الطريقة اللي قصفونا فيها بالجو و البر و البحر بس رجعت لانني مؤمنة بالله
حترجع نسمع الاغاني و الصلوات و الدعاء
الحرية و الجهاد ما بينقاس بالايام و السنين ولا بالف سنة
اهم شي الايمان انه حيحصل حيصير ما تفقدوا الامل و الايمان
سنرجع يوما الى حيفا و يافا و القدس
سنرجع الىً فلسطين لانها بدمنا كلنا العالم الامة كلها
وانتو عم بتدافعوا عن كل احلامنا و مستقبلنا
رح نحكي و نقول و نخبر و نصلي و ندعي
لان نصر الله قريب
#فلسطين
#غزة
🇵🇸 | Posted on 13/Oct/2023 17:57:12
Razan Moughrabi
Check out the latest gallery of Razan Moughrabi
