Kenzy Madbouly Instagram – اي واحدة بتعرف تخلف بس مش اي واحدة تعرف تبقى ام. وانا ربنا رزقني باحلى هدية في حياتي، رزقني بام تبقى صاحبتي وتشرفني قدام كل الناس باخلاقها وتسامحها وقلبها الطيب الرقيق وحنيتها، مافيش حد بيشوفها غير لما بيحبها. علمتني احترم كل الناس وان مافيش فرق ما بيننا كلنا بشر، كانت اقرب صاحبة ليا وانا صغيرة خالص بنت حارس العمارة وكبرت فاهمة ان اللي يفرق ما بين الناس جاهل، ربتي على حب ربنا، خليتني اصلي من وانا طفلة وادعي لربنا من قلبي علشان شوفتها بتعمل كدة، اي حاجة تفرحها تدعي وتشكره واي حاجة تزعلها تدخل تدعي بالساعات واشوف بعينية ربنا بيعملها معجزات كبيرة، علمتني احب الفن الاصيل، اي حاجة حلوة فيا هي السبب فيها. ربنا يحفظك ويخليكي ليا ومايحرمنيش منك ثانية يا روح قلبي♥️♥️♥️