Amine Ennaji Instagram – القيمة الحقيقية ديال الممثل اللي واقف قدامك و درجة تحكمو فالجسد ديالو بكل ادواتو الطبيعية، أي اللي خالقة معاه بحال الصوت و التنفس و العينين و تقاسيم الوجه و باقي العضلات و زيد و زيد… او الأدوات المكتسبة من خلال التكوين فمجال التمثيل بحال الالقاء و التنفس و التعبير بالجسد و حتى هنا زيد و زيد…بلا منهضر على الاحاسيس و تراكمات الحياة الاجتماعية و النفسية، و مدى قدرة الممثل فاستغلالها فادوارو… حويجات كثيرة كنعرفوها احنا الممثلين و اللي كتميز بيننا و بين اُجراء التمثيل.
Bref..هاد القيمة السالفة الذكر ميمكنش تعرفها الا موقفش قدامك الممثل او الممثلة على خشبة المسرح باعتباره مختبر (Laboratoire) ديال البحت فالشخصيات و تركيبها من خلال التشريح و البحث في الذات.
مند اول وقوف لفاطمة الزهراء بناصر معانا على خشبة المسرح عام 2007 يعني هادي 17 عام من خلال مسرحية جمرة للأستاذ بوسرحان الزيتوني و بجانب ممثلين ديال بصح بحال كمال كاضمي و حبيب البلغيتي و طنور الله يرحمو… من داك النهار عرفت باللي فاطمة الزهراء من طينة الممثلات الفنانات حيث جمعت بين الغناء (و صوتها من بين الأصوات النسائية القليلة اللي كطربني شخصيا) و بين موهبة التشخيص، إضافة إلى طيبة القلب و الاحساس المرهف و الشعور بالآخر و ميزة الاصغاء اللي مفروض تتوفر فالممثل و اللي للأسف منعدمة عند شي وحدين… عاوتاني bref بغيت غير نكول باللي فاطمة الزهراء وحدة من الفنانات القلال اللي كان ليا الشرف نتقاسم معهم الفضاء فالمسرح و الكادر ديال الكاميرا مند سنة 1998( نهار بديت نمثل ). شكرا فاطمة على السخاء وقت التمثيل و انسانيتك قبل و بعد ذلك.
فعلا أنت بنت لحديد
و ديال بصح.
@fatimazahrabennacer1
@connexionmediama
@2mtv
@alaa.akaaboune
@salwazarhane
@adilabatorab_officiel
@ajil.abdelilah
@chakiri_abdellah
@its_haroun_cherqaoui
@mansourbadriofficial | Posted on 28/Mar/2024 03:14:37
