Jeremy Lau Instagram – 新歌創作小分享:
記得上年收到serrini首歌果陣已經好鍾意
首先因為自己好鍾意望住個海發呆
果陣聽melody，
係有一種經歷完好多野，
望住個平靜大海同大家分享自己旅程既感覺。
當時即刻諗左個方向
首歌一定係叫「破風號船長」
而自己一路都好鍾意海賊王嘅故事
特別係海賊王臨死之前果刻
喚醒左大家去出海追尋自己嘅夢想
就已經好想寫一個關於夢想 偉大航行嘅故事。
第一下同小克講，
佢就話個題材幾得意
佢都好想寫一個繪本式嘅歌詞
所以就即刻好快寫左一個破風船長與海鷗version
呢個version就好童話故事書式繪本創作，
係大海上冇人冇物，
海鷗甚至識得同船長傾計
當時我記得仲係係澳洲
有一個task係要出海睇海洋動物
結果好好彩比我地遠距離睇到鯨魚，同海豹
好幸運地呆左
當時回程，我就係play住個demo
睇住小克呢份詞，
望住大海發呆了~
落船一刻，
諗左好耐，
雖然個故事好得意~
但係好擔心因為題材唔夠貼切
唔係好多人得到共鳴
所以經歷過Dear children之後
就好想寫一首更直白
但係幫到個社會，同陪伴到大家嘅歌。
加上社會近期發生左好多青年自殺事件
每次見到都好心痛，
所以最後決定更改方向，
為大家做一首歌。
想比大家知道路飛佢為左成為海賊王
係航行當中經歷好多傷心，痛苦
失去哥哥，朋友
但最後都成功闖過
經歷唔同風浪之後望住個平靜大海，
同大家分享嘅一個小故事。
海賊王雖然係虛構嘅故事
但係至少我都比佢鼓勵到自己去追逐夢想
所以都希望做呢首歌都可以鼓勵到
每一個面對失意時嘅你哋
當你覺得孤單時
希望你哋開呢首歌，知道我同你哋同在
社會上仲有好多好多朋友，會願意聽你哋講嘅每一句說話
至少我願意
千祈唔好覺得自己就算消失在世上，都冇一個人會在意
we do care,
i care!
突然之間記起
mami成日係演唱會叫小朋友飲多d水，讀多d書，
將來係你哋靠你地每一位小朋友的~
睇完年少日記之後，
真係覺得唔係小朋友讀書叻就等於一切
好想每一位小朋友都搵到內心最鍾意做嘅事
開心係最重要的。
最後，好想大家都可以成為破風號船長
係大海中乘風破浪，
闖過每一個難關後，
同大家回頭分享以前嘅一個小故事，
而每一個小故事，都成就宜家一個更強大嘅自己。
大家不妨對身邊嘅人付出多一d關心，多一d嘅愛💙
最後最後，好想同大家分享一句fans dm我嘅說話：
「這個世界並不需要更多成功的人，但是迫切需要能夠療癒的人；能夠修復的人；會說故事的人；還有懂愛的人。」
所有受過傷嘅人都一定可以搵到真心對待/愛錫自己嘅人
共勉之。
#大海少年 | Posted on 10/Dec/2023 11:30:29
