Tony Hung Instagram – 👋 大家好，千祈唔好誤會，我唔係Amber呀，我叫Beryl ，或者將來叫我洪啤啤都得😃，我21號喺荃灣港安出世，啱啱趕得切成為一個白羊女❤️
頭先我都聽到啲姐姐話叫我sir face 2.0 ，我其實有啲唔開心，因為我想似我靚靚嘅媽咪多啲，我一定要做mum face 。我知道我喺媽媽肚入邊嘅時候跳跳扎扎，令到媽咪瞓得唔好，同埋原來我自己都幾有肉地頂住媽媽個胃，大個咗我一定會好好照顧媽咪同佢個胃🤣
同埋一定要多謝醫院嘅哥哥姐姐們，感謝婦產科張智醫生、兒科伍永強醫生、麻醉科鄭浩怡醫生令到媽咪平安生產，我一定會成為一個健康嘅寶寶。
我好高興嚟到呢個家庭，我有個好為食嘅大家姐Molly ，又有一個非常好動嘅二家姐，所以我決定傳承佢兩個嘅優點成為一個又為食又好動嘅三妹，同埋我偷聽到爸爸話一定會帶我周遊列國去旅行喎，好嘢😁😜
#blessings #感恩 | Posted on 23/Mar/2024 14:23:56
