Buber Mak Instagram – 《天賦》
有日，咁啱睇到老高嗰集《找到你的人生之路》，
該集談及天賦、夢想、偽夢想之類。
然後我就問身邊嗰個，問佢覺得我嘅天賦係乜？
當我滿懷期待想聽到讚美嘅時候，
然後佢答我：「你冇天賦，你而家有嘅嘢都只係累積。」
當刻我哭笑不得（哭係佔90%），
不過經過差不多幾星期嘅反思（記仇佔90%），
然後覺得⋯⋯又好似係。
呢幾日，幫爸爸開咗個講風水命理嘅Facebook page同IG，
其實知道冇乜人睇的，
只係如果人生所有嘢都係為咗「做嚟俾人睇」嘅話，
呢件事實在太扭曲。
其實好多嘢嘅意義不在於「有冇人睇」，
而係做呢件事嘅「初衷」。
Ps. 而我都好有興趣知道爸爸嘅人生到底經歷咗啲乜
每一日我都叫爸爸寫字交俾我，
然後我就好似中文老師咁樣叫佢改，
而我自己寫嘢叻唔叻？唔叻的ʕ •ᴥ•ʔ
我都經常要執筆修改自己啲文，我都是一粒小型垃圾～
但改下文、畫吓圖，又好似學多咗少少嘢。
所以！！
天賦就未必有，但肯學肯做就都算係嘅～
每日都喺教與被教之間，
好好生活，好好累積。
📍麥師傅風水命理研究所： @maks_feng_shui
📸 @eddielo | Posted on 30/Mar/2024 17:04:02
