أبلة فاهيتا Instagram – أبلة فاهيتا هتشارك في نسخة Creative Industry Summit بالسعودية، واللي هتقام في الفترة من 23 لـ 25 أبريل منطقة جاكس بالعاصمة الرياض. ومن خلال مصادرنا، عرفنا بشكل حصري إن فاهيتا هتواجه مجتمع المبدعين بموضوع مهم، وهو الفشل، وهتستضيف على المسرح 5 شخصيات من أهم الأسماء في مجالات التسويق والإبداع، علشان تعرف منهم قصص الفشل اللي قابلوها، وإزاي الفشل بقى نقطة تحول في تحقيق نجاحهم. المناقشة هتمتد على المسرح لمدة ساعة، مع فرصة للجمهور للتفاعل والمشاركة مع الأبلة وضيوفها على المسرح. لأكتر من 10 سنين، قمة الإبداع نجحت في جذب أفضل العقول من كل أنحاء العالم، في المجالات الإبداعية، والفنية المختلفة، وقدمت عدد كبير من الخبرات والقصص الناجحة من رواد المجال، والسنة دي القمة بتحصل لأول مرة في السعودية، وهيكون فيها عدد كبير من ورش العمل والحلقات النقاشية على مدار 3 أيام. علشان تحضر القمة تقدر تسجل وتحجز تذكرتك من على الموقع الإلكتروني creativeindmena.com. #اللي_بيحصل