Jeremy Lau Instagram – 歌曲延伸感想:
記得鍾雪係首歌出完1個星期..
wtsapp我同我講
👧🏻: 我好似應該將首歌寫得pop d，令大家容易明d
跟住我就講左句：
下，其實我超鍾意宜家份詞！
好多時出歌，
我地創作人諗嘅角度，其他人未必會明
但呢首歌嘅出現，
就好似提醒我地，
藝術創作只要係過程搵到樂趣同想講嘅野就已經好值得開心
之後嘅野根本冇得諗太多
而且未必控制到..
記得我開頭係因為「收聲多謝」
而想搵鍾雪寫一份有態度嘅詞。
搵佢果陣，
因為大家未認識，
佢就話，我唔知幫唔幫到你，因為好怕幫唔識嘅人寫詞
果刻心諗，唔通要搵定下一個人幫手寫？😨
跟住佢就問我
點解我一直以黎會咁樣做音樂，比呢個形象觀眾
跟住我就同佢分享下我創造音樂背後博大精深嘅理念
(…下刪幾段幾分鐘嘅長錄音😂😂😂)
傾傾下發現，由細到大自己都好鍾意johnny depp嘅電影
佢每套電影出現嘅每一個狀態，
荒誕得來帶點不同，
雖然未必係坊間普遍所接受嘅..
某d人甚至可能會覺得古怪，
但本人從來都唔覺得…
而且非常喜愛佢每一個角色帶比我奇想。
之後再談tim burton導演
佢創造嘅，
唔止得銀幕上
大家見到嘅johnny depp，
麾下嘅作品…
仲有暗黑童話風格嘅畫作..
好多套暗黑幽默嘅電影
簡直建構左比如主題樂園般嘅信仰
令從小睇佢作品長大嘅我，都因為咁而相信荒誕世界。
所以當鍾雪問到我呢d問題果陣
我真係有諗番點解做一直以黎嘅音樂
好想透過呢首歌去鼓勵自己、鼓勵大家
去做一d自己相信同想做嘅野
終有一日，你同我都會建構到屬於自己嘅世界。
最後，雖然未知成唔成功…
但好想多謝一直鍾意我作品嘅你地
再一次多謝鍾雪係我懷疑自己作品時出現，
寫左一首鼓勵自己向前行嘅詞
睇到連自己8年前睇過tim burton展嘅餐紙手稿
都出現係歌詞度，就知道係呢份詞了…
多謝你將內心嘅自己都寫給我🙆🏻♂️🙆🏻♂️
唔知大家有冇搵到你收埋嘅呢幾套電影呢~🙊
再次多謝大家，柳應廷會繼續前行的。
「為我設想，懇請鑑賞，別步近」
#筆觸男孩憂鬱之死 | Posted on 18/May/2024 11:35:17
