Jonny Fischer Instagram – Liebi Divertimento Family
Ja, es stimmt: «Bucket List» wird üsi letschti Show sii….ABER: das isch en frohi Botschaft…!!! Werum?!
Es isch es Privileg, dass mir siteme viertel Jahrhundert dörfed erfolgriich uf de Bühne stah. Na grösser ischs Gschenk, dass mir beid zum gliiche Ziitpunkt gspüred, dass s d’Ära Divertimento darf z’End ga und zwar im Guete. Es isch es Wunder, dass mirs nach so vilne Jahr mitenand unterwegs sii, so harmonisch händ zäme wie na nie…. Und s’macht üs glücklich, dass mir dörfed zum ne Ziitpunkt ufhöre, wo mer ufem Höhepunkt vo üsem Schaffe sind und nöd vor halb leere Sääl spieled.
Werum jetzt?
Mir wänd üs mit üch zäme uf üsi letschte Tournee chöne freue. Mir wänd mit üch zäme die kommende Bühne-Jahr fiire und teile. Zudem wird s Thema «Ufhöre» Teil und au Leitfade sii vo de Show «Bucket List». Mit dere Information wänd mir eu au mit an Board hole, so dass ihr «up to date» sind und voll chönd iitauche und gnüsse.
Mir denked gad kei Sekunde a d’Ziit nach Divertimento. Mir freued üs schlicht uf die nächste und letschte 4-5 Jahr mit üch und mit Divertimento.
Allerherzlichscht und voll im Guete und Reine.
De Jonny und de Manu
#bignews #newshow #comedy #bucketlist #rücktritt #anfang #ende #seeyousoon | Posted on 14/Sep/2023 21:27:27
