Vincent Kok Instagram – 人越大越鐘意睇歷史，對日本戰國時期嘅歷史尤其感興趣，但一直的唔起心肝搵書睇，所以當聽到《幕府將軍》係改編自James Clavell 在1975年出版嘅暢銷同名小說，心諗咁就好嘞，有得睇荷里活用大 Budget、大明星、以洋人第三方角度講日本歷史故事。
當然知道歷史歸歷史，小說故事歸小說故事，但作者還是有根有據，香港人熟悉嘅真田廣之飾演嘅主角吉井虎永，原型就係鼎鼎大名嘅德川家康。
爛番茄指數高企99%，IMDB罕有地給予9.2分，外媒更將《幕府將軍》同《權力遊戲》相提並論。睇《幕府將軍》嘅片頭時，我試過將原有音樂關掉，配上《權力遊戲》嘅經典主題音樂，當堂感覺好似見番舊朋友，也明白了《幕府將軍》片頭所表達嘅大航海時代，唔想死就要打，邊個企到最後邊個就係王。
今時今日嘅大阪就去得多，1600年嘅大阪就未見過，儘管西方人拍東方嘢有陣時總會有啲少見多怪，例如會用兩分鐘講吓「納豆」係咩滋味，但係佢哋對美術有要求，戰爭場面亦得好考究，每格畫面都執得好仔細。頭四集主要講各大陣營人物出場，相信Set好架步後就會好似捉棋一樣，你算我，我算你，打到飛起，日本戰國時代喎！仲有值得期待嘅梗係真田廣之 東洋刀，今次佢除咗係主演仲係監製，應該點都度番兩場俾自己動作擔當。
都係嗰句，如今劇集都咁好水準，電影真係好難撈……
@disneyplushk
#DisneyPlus #DisneyPlusHK #幕府將軍 #Shogun #真田廣之 | Posted on 14/Mar/2024 14:34:40
