Larine Tang Yue-Ping Instagram – #射手座的腦洞系列 最近想買一個紅色嘅電話殼🧠 喺街又唔見有心水，上網訂又要等一個禮拜。 心急嘅射手座點可能等！！！！？！？ 於是乎，隱藏喺體內嘅創作基因蠢蠢欲動，腦海入邊彷彿有一把聲音指引我， 只有我！自己！！！先可以整到一個完美嘅電話殼！ 我係一個，一有諗法即刻要做嘅人， 9秒9買咗個紅色嘅電話殼 返到屋企，審視左一圈， 放棄咗，平時喺深水埗買嘅珠仔， 最後睇中咗早排買個對耳環，剪完，發現唔夠….咁再剪過囉。 雖然心有不捨，但係點會比區區一舊鐵限制我嘅創意呢？ 係咪？ 剪完對耳環之後，目光落在了一副塵封已久嘅太陽眼鏡。 好似都幾襯， 唔好諗，夜啦！ 剪！ 第二日瞓醒。望住枱頭嗰一個非主流山寨味濃bigbang系列電話殼 我…….. 呢一刻仲有冇得返轉頭？ 各位身邊嘅親朋好友，可唔可以勸吓我，唔好再DIY 🥲 唔該阻止我🫂 同埋不如你哋同我講，其實個殼都幾靚吖