Ahmed Abdelhamid Instagram – مفيش صور أحلى من دى أقولكم بيها كل سنة وانتم طيبين .. و إحنا بنودع كوبرا مع أجمل ناس تعبنا و اشتغلنا عشان نحاول نبسطكم بعمل يليق بيكم🤍🤍
ولازم اشكر النجم محمد إمام قد ايه انت نجم و زعيم بجد بتحب كل الناس و بتحاول تبسطهم و ترضيهم و الشغل معاك ممتع و روحه أحلى من كدة مفيش و إلى جاى خطر ان شاء الله 😉🗡️
الأستاذ أحمد شفيق إلى قدر يقود عمل رمضانى يدخل قلوب كل البيوت ببساطة و جمال و الى ساعدنى كتير فى شخصية حربى .. الله عليك يا دكتور👌🏽😍
المعلم شيخون دكتور مجدى كامل إلى كان كل الشغل معاه عبارة عن متعة كبيرة بالنسبالي و بستنى شغلنا مع بعض عشان متأكد انه بوجوده هيطلع فريد من نوعه و كسبت كتير بتمثيلى معاه و اتعلمت كتير قوى قوى 🔪
كل زمايلى و أساتذتى الممثلين الجامدين قوى الى اشتغلنا سوا فى المسلسل و اتعلمت منهم كتير و مش عايز أنسى حد لكن كل حد تألق فى مكانه بشكل غير مسبوق 👏🏽
كل اركان العمل من انتاج بقيادة الأستاذة مها سليم والجامدين تامر فتحى و أحمد فرغلى و الرجالة الجدعان كلهم .. و فريق التصوير بقيادة المعلم طارق عبد الحميد أخويا و كل الفنانين الجامدين قوى الى معاه .. و أستاذ الديكور تامر إسماعيل و فريقه الحلويين قوى .. كرو الإخراج الى عارفين شغلهم بمنتهى الاحترافية .. و كل زمايلى و حبايبى الى تعبوا فى العمل ده عشان يطلع بالصورة دى 💪🏽💪🏽
و فى النهاية كل سنة و دعواتكم معانا ان ربنا يكرمنا و نمتعكم و ندخل بيوتكم بأدب و فن و كل عيد و انتم طيبين قوى 🤍
#كوبرا 🐍
#أحمد_عبدالحميد | Posted on 10/Apr/2024 07:25:01
