Vincent Kok Instagram – 幾個月前，有機會在香港訪問了偶像宋康昊先生，當時他說他接拍了人生的第一齣電視劇。自此以後，一直留意宋的動向，看看什麼樣的劇本、什麼樣的製作才能吸引到康城影帝拍電視劇？
200億韓元製作Budget係咩概念？即係都超過一億港幣製作費，背境係60年代立立亂嘅韓國，劇集係喺Disney 獨家上線嘅《逆貧大叔》，但我更鐘意個英文名《Uncle Samsik》，開宗明義主角就係宋飾演嘅「三食大叔」，意思係希望佢身邊嘅人三餐得以溫飽，有啖好食。
「三食大叔」細個好窮，係小人物，大個之後唔係，佢明白到要生存得好，就要不擇手段，要利用街頭智慧成為喺亂世中嘅明眼人、喺動蕩社會狹縫中搵機會嘅「造王者」。「三食大叔」貴乎自知，自己知道自己唔係做王嘅材料，但有一雙老練嘅眼睛，睇得出邊個喺當時有條件可以成為部長、總理、甚至係總統…… 「三食大叔」從來冇話過自己係好人，年少時就因為一個「紅荳包」殺了第一個人，這類正邪之間的角色觀眾本來比較難投入，但好在是由宋康昊演出，觀眾又會被他的演技扣住、很 Care故事及人物的發展，尤其導演講故事的方法有點前後倒置，這令觀眾更加想知道當時究竟發生了什麼事？
劇中其他主要角色的演員大都熟口熟面，有睇開韓劇都會認得當中幾位老中青戲骨，例如卞耀漢、李奎炯，還有少女時代嘅Tiffany等等，跟宋康昊撞起戲來，毫不輸蝕。
全季15集，如今播到第9集，故事進入戲肉，開始拆解戲中大事件的來龍去脈。「三食大叔」曾說過：「事情需要依照計劃進行，但計劃往往又會遇到阻窒，人要依從計劃，但又往往受到計劃羈絆…… 」究竟「三食大叔」的大計最後是否成功？是否其實計中還有計？一切要等最後幾集揭曉。
@disneyplushk
#DisneyPlus #DisneyPlusHK #逆貧大叔 #UncleSamsik #宋康昊 | Posted on 05/Jun/2024 13:03:15
