Buber Mak Instagram – 《觸及率》
普遍嘅人通常都唔會留意／在乎「觸及率」，
會留意嘅人⋯⋯通常係嗰啲口講唔介意數字，
但又好上心嘅嗰啲人。
即係我自己。
工作上我需要在乎數字。
而近日IG嘅所謂轉咗模式，
我在乎嘅，唔係數字上嘅reach唔到幾多幾多人⋯⋯
啲人就見唔到我嘅創作、作品bla bla bla～
而係好似少咗個渠道（？）
俾身邊識咗好多年嘅朋友知道我嘅近況。
令越嚟越「i」嘅都市人（我）少咗個圍爐嘅空間。
所謂嘅圍爐係，
閒時，我想話俾我身邊嘅朋友，
包括所有follow我嘅網友知：
「我好幸運，因為我仍然對世界充滿好奇。
感恩仍然覺得自己不足，所以會繼續學習；
有好好食飯，有好好生活，有好好工作。」
所以，得閒可以WhatsApp我傾吓偈，
鍾意嘅話可以DM我吹吓水，
話我知，你嘅開心同唔開心，
唔好俾科技將我哋分得隔得太遠。
雖然我真係好摺 aka 「i 」，
但都仍然係嗰個麥詠楠。
.
.
.
「Good morning,
and in case I don’t see you,good afternoon,
good evening and good night.」
——《楚門的世界》 | Posted on 09/May/2024 09:36:13
