Florence Kwok Instagram – 【我的精靈媽咪】♥️
話說我返香港想同媽咪去玩吓，之前佢提過想返鄉下，
於是我問佢：媽咪，我俾你揀～返鄉下？定係去澳門玩呀？
佢話：返鄉下啦，幾十年未去過
我話：幾十年未去過，嗰度啲嘢拆晒，路又改晒，你認得㗎嗱？
佢話：我唔認得，你認得咪得囉
我話：媽咪，細個我同你返鄉下嗰陣，我得幾歲咋喎，梗係唔認得啦
佢又話：咁你唔認得，家姐認得咪得囉……
😂我真的無語！
跟住我又問佢：媽咪，你想唔想喺嗰度過一晚夜？
佢話：唔使，早上去，夜晚返咪得囉
我話：咁樣好趕喎
佢話：Hey而家朝頭早5:00就天光㗎啦
我話：咩話！？你諗住由朝頭早5:00玩到夜晚！？啊咁咪好攰！！
佢話：又唔係日日咁玩，攰咩啫
我真的冇計，於是我話：OK啦，你話唔攰就唔攰，到時唔好詐型呀！
😂就係咁，我哋就係達成協議，不過，故事發展係…..
😂😂5分鐘之后，佢同我講：其實我哋係咪可以回程嗰陣經澳門㗎？
😂😂😂哈哈，其實佢真係好精靈，九十幾歲，好嘢👍🏿👍🏿👍🏿👍🏿👍🏿 | Posted on 09/Jun/2024 11:31:09
