Hins Cheung Instagram – 過去呢兩個月, 除咗製作新專輯, 就係一邊開始籌備下今年HCFC/我自己一路都構思緊嘅一啲活動, 從五月份開始, 分別會有唔同嘅展覽同由我主持嘅唔同嘅工作坊同大家見面。
第一個推出嘅展覽, 即將會喺5月、喺雅旺錄音室 @avonrecordingstudios 舉行。<>呢一張專輯係我自己相當喜歡嘅一張唱片, 頭尾歷時兩年多啲完成, 當中嘅好多首歌都係錄咗好多次同經歷過唔同嘅時期消化, 再入錄音室再唱嘅過程, 有時可能係為咗演唱嘅感覺有時又可能為咗換支咪換過個Tone, 再加上遇到嘅係咁多首咁好聽嘅作品, 呢一張專輯我覺得對於我自己嚟講係有代表性嘅。
係呢個展覽入面大家可以睇到呢一張唱片喺製作過程當中嘅各種手稿以及原始錄音資料, 包括某一啲歌曲嘅Outtakes, 以及未經潤飾同剪輯嘅純人聲、樂器嘅分軌音頻, 結合Avon Studio A 及 Studio B嘅專業音響設備, 相信會令鍾意呢一張唱片嘅朋友有另外一番嘅感受。
歌迷會嘅優先場次已經喺歌迷會網站推出咗, 公眾場次將會喺六月份舉行, 有興趣就嚟睇下啦, 幾得意㗎😊
#預告下先 由五月份開始係我嘅教學月, 我會開講座嘗試下教學嘅工作, 地點會喺歌迷會嘅上環會址, 當中有關於情緒/職場支援嘅、 生命勵志分享嘅以及歌唱技巧嘅初阶以及專業範疇嘅workshop, 大部分都會係3-4堂連續嘅工作坊, 有興趣嘅朋友記得要留意喇🥰 | Posted on 23/Mar/2024 10:14:08
