Bonnie Wong Instagram – 《咖啡呀唔該》一歲喇🥹🧡
收藏咗一年嘅紀錄片 明天正式上架
由籌備到開張 歷時大半年
望返轉頭 都唔知當時哪來嘅勇氣
真係走去開咖啡店
當初開舖 真係單純好喜歡咖啡
但做做下就知
喺人哋舖頭歎咖啡 同自己開一間咖啡店
真係兩回事🤣
不過幾辛苦 幾麻煩
你再俾我揀 我都係會選擇試一次
可能係第一次啦 所以好想將呢一切都好好紀錄
於是將整個開舖過程用鏡頭紀錄下來
最後整理成一條40分鐘長片
當係俾自己同舖頭嘅一份紀念品
因為自己經歷過
所以更明白到喺香港經營小店有幾艱難
坦白講 我都唔知自己間小店可以行到幾遠
不過呢一刻 想好好回望一下
從無到有嘅過程
提醒自己當初開店嘅磨難與快樂
慶幸一年過去
我仍然覺得好喜歡呢個地方
我仍然對我哋嘅咖啡好有信心
我仍然好開心有呢段經歷
人生嘛 冇嘢帶得嚟 亦冇嘢帶得走
最重要的 還是體驗 | Posted on 02/Jul/2024 17:32:22
