Hana Yousry Instagram – الحمدلله يا رب جايزة التمييز و الابداع من مهرجان الفضائيات العربية عن اغنية بنت ابويا.. بشكرك يا رب و بحبك اوي.. انت دايما بترزقني بأكتر بكتير من اللي بحلم بيه ❤️
انا اتبعتلي الفيديو ده و بصراحة الفيديو ده اثر فيا اوي لكذة سبب و حبيت انزله لانه في مشاعر صادقة كتيرة اوي..
اولا.. الفيديو ده فيه كمية ناس انا بحبها اوي و دايما مدعمين ليا.. و ده باين اوي اوي في الفيديو
@zeinareda29 حبيبتي انتي عيلتي و مش هنسي لما وقفتي امبارح و بعلو صوتك بتشجعيني و من حبك فيا سبتي المهرجان كله و جيتي وقفتي قدامي و انا بغني قد كده كنت حاسة بحبك و بفرحتك بيا كانت طالعة من قلبك اوي اوي اللي انا متعوده عليها منك طول العمر.. بموت فيكي
@donia.samir.ghanem طبعا انتي عارفة انتي بالنسبالي ايه.. بحبك حب مش عادي.. و انا بتفرج علي الفيديو شُفت حبك اللي انا عارفاه يا حبيبتي و بتوصلهولي طول الوقت.. بحبك اوي
@hannahelzahed هنا.. انتي مش فاهمة انا بحبك قد ايه.. يمكن لسة مشوفناش بعض و امبارح معرفناش نتقابل بس انتي مش فاهمة انا بحبك قد ايه.. و الفيديو ده بالذات شُفت فيه احساس منك وصلني و اثر فيا اوي و حسيت بحبك من قبل ما نتكلم.. و سبحان الله ان ده نفس احساسي بيكي ❤️ بحبك اوي
@ranaraeis طبعا انتي اختتتتتتي… اللي لما حد فينا بيقول كلمة التاني بيكملها 😂❤️ بموت فيكي يا ريكريك و من احلي و الذذ الحاجات اللي حصلت امبارح اننا كنا مع بعض ❤️
@mahaibrahimyousry انتي بقي.. محتاجة بوست تاني لوحدك.. انا مش هقولك اني بس بحبك او بموت فيكي.. انا هقولك انك النفس اللي بتنفسه اساسا.. و ان الحقيقية بعد ربنا انتي اللي لازم اشكرك كتير لانك السبب في اني اكون في المكان ده النهاردة.. انا لسة فاكرة اول لحظة غنيت فيها في حياتي و انتي كنتي جمهوري الوحيد.. صدقتي فيا و امنتي بيا ايمان مرعب لغاية ما وصلتيني لمكان بحمد ربنا عليه.. وقفتك و انتي واقفة فخورة بيا و فرحانة بيا دي عندي اغلي حاجة في الحياة كلها.. ربنا يخليكي ليا يا احلي حاجة في حياتي كلها
Special thanks to my team ❤️
Dress: @ramaabdelghany
Stylist: @mahaibrahimyousry
Makeup: @mirnamagdymakeupartist
@nidalhani | Posted on 28/Sep/2023 23:41:29
