Mina Al Sheikhly Instagram – “ماما مينا ”
حلقة ٣ – اب و ام لاول مرة
هذه الحلقة مخصصة للاهل الجدد الي ما يعرفون يتعاملون مع الاطفال و اول تجربة الهم 🥹 اني و نيلسون ما عدنا تجربة مع الاطفال و خصوصاً حديثي الولادة و هذا الشي جان كلش مخوفنا و احنا كلش نحب نعلم و نثقف نفسنا قرينا كتب و شفنا فيديوهات بسس لمن تكعد وياه مختص غيررر !
قررنا ناخذ حصص مع @malaakbabycare و كلششش فادتنا اول شي عن الولادة و العملية و شنو الاشياء الي راح تواجهنا و شلون نتصرف و خصوصاً الى نيلسون حب يعرف كلشي … عادةً مو كل زوج يحب يدخل بهذه الاشياء و الصراحة اني ضدها كلشش لانو الطفل هو مو بس ابن الام هو ابن الاب و لازم تكون المسؤولية على الاثنين بكل شي و بكل خطوة
بعدها اخذنا حصص نظرية عن الطفل حديث الولادة و شنو ممكن الاشياء الي تواجهنا و شلون نتصرف .. اني من الاشخاص الي يصير عندي رعب اذا احس نفسي ما اعرف شي و دائماً احب اكون محضره نفسي فهذا الحصص فادتني اني و نيلسون و غيرها … شفت هواية امهات جدد عانو من هذا الشي ببداية الحمل لانو كل احد راح ينصحج من باب المحبة بس الموضوع كلش يوتر لان كلش شويه يجي احد برائي و انتي دتمرين بهواية تقلبات و متعرفين الصح و الغلط .. فحبينا يكون عدنا معلومات حتى من كون اطرش بالزفة 😂
و طبعاً من اهم الاشياء الي لازم تاخذون بيها حصص هي الرضاعة الطبيعية كلش راح تفيدكم و تعلمكم هواية اشياء تفيدكم في رحلة الرضاعة الطبيعية♥️
اتمنى تستفادون مثل ما استفاديت و دائماً خلي نطور من نفسنا و نكون جيل احسن و نتعلم من ااهلنا و نصير بعد احسن منهم ♥️
#myhappymoments #minasjourney #mypregnancyjourney #ماما_مينا #الامومة# | Posted on 28/Jul/2024 17:02:20
