Mina Al Sheikhly Instagram – قصة صغيرة قصيرة 🥹🐥
تتذكرون اللوسي العصفور الي انقذنا …. مات 💔😞😭
جان على شعري واكف و غافلني و طار و ليلي 🐶 عبالها ديلعب وياها و جان تكمز علي و اني دا احاول انقذه و جان يموت و اني بانهيار و بجي يوم كامل كلش انقهرت علي و تعلقت بي و ليلي مجنت طايقتها و ادري بنفس الوكت هي غريزة الحيوان و اني فاحطة بجي لانو حسيت جان مسؤوليتي 😕
المهم ثاني يوم طلعت بالحديقة و جان اسمع نفس صوت العصفور و اكتشف انو اخو واكع من العش و نفس الفلم و هم ليلي جان تلكفه و هل مرة ركضت و صار اكشن و كعت و لحكت عليه و نقذته الحمدالله و عدت على سلامات الحمدلله اني بخير و النونو بخير بس ركبتي اتأذت ..
اني دائماً الله يجبلي حيوانات لي يمي حتى انقذهم و دائماً كل واحد منهم يجي بوكت و عبرة حتى يعلمني درس و اني ليهسه صافنة يعني ليش اني دائماً يحطهم كدامي 🥹 و احس الدرس هذا تحضيري للامومة و المسؤلية
انتو شنو برأيكم شسوي لانو والله قلبي خلص اريد ابقي اخو و اكبره و اطلقه بس يكدر يطير بس بنفس الوقت خايفة عليه 😞
#minasjourney | Posted on 31/Jul/2024 22:36:08
