Nadine Wilson Njeim Instagram – يلي تربّى ببيت عسكري بيعرف شو يعني الشعور وقت تغمر بيّك
او خيّك
و تحس بقماشة البدلة الخشنة و الدافئة عالخمسة الصبح
هني و رايحين عالخدمة.
بتعرف الشعور إنك رح تشتقلهم لأن
يا خدمتهم طويلة و بعيدة
او ظروف صعبة و منك أكيد إذا رح يرجعوا.
شعور الفرح و الحماس وقت تقدر و لو للحظة تزورهم بالثكنة و تشوف تختهم الصغير من حديد
و إذا حظهم حلو بكون في صوبيا ليتدفوا من البرد.
فيك تنسى طرقات القلب مع كل حرب او إجتياح او إغتيال و تعرف إنو الغالي عندك عم بنادي الواجب و أخبار عم تقلك: ننعي لكم الشهيد العسكري او الضابط….في معركة….؟؟؟
حتى لو ما كنت من بيت عسكري
و تكون مارق عطريق ما فيها ضو و تشوف حاجز للجيش و تطمن و تلاقي شوية آمان.
او وقت الحريق و الغريق و الكارثة و الفرحة و الإحتفال و الحادث و المشكل و المناسبات بتشوف العسكر موجود و حاضر بالرغم من….
من كل همومه و ما أكثرهم….
و ما بيحكي و بعضّ عالجرح و بيرجع بيصحى ثاني نهار و ببكّل الرينجر و بيلبس البدلة الخشنة
الحلوة
الشجاعة
يلي كلها فخر
و عز
و كرامة
وبيروح على خدمته عالخمسة الصبح و انت
بقلبك فرحة لأنك بتعرف
من هالبيت تعلمت تحب
لبنان🇱🇧❤️
#عيد_الجيش #الجيش_اللبناني | Posted on 01/Aug/2024 13:46:56
