Rana El Hariri

Rana El Hariri Instagram – العلاقات الجيدة ما بتنتهي، العلاقات يلي بتنتهي هي علاقات فيها خلل من الأساس.
والحب الحقيقي ما بيخلص، واذا خلص ما بيكون حب، بيكون إعجاب مؤقت، أو تَعَلُّق مرضي أو مجرد شعور زائف.
والكذب ما إله ألوان، أبيض، أسود، أخضر وبرتقالي ..
وما بيحاول يلونه غير إنسان كذاب بالفطرة.
والطيبة مو غباء، الغبي هو يلي بيحاول يستغل أو يؤذي إنسان طيب.
والشخص يلي بيغضب بدون سبب، وبيعطي حاله الحق بإهانة الأخرين أو يرفع صوته على غيره بالصراخ ما بيكون إنسان عصبي، بيكون إنسان سام، مريض وبحاجة للعلاج.
والثقة بعمرها ما لازم تكون عمياء، امنحوا ثقتكم بحذر و اتأكدوا باستمرار ، وكونوا دائماً مستعدين لأسوأ الاحتمالات.
وفي هذا الزمن الموهبة والذكاء والمثابرة مو بالضرورة ضمانات للنجاح، ضمانات النجاح هي امتلاك المال, الشكل الخارجي، الحظ والعلاقات.
والسعادة يلي مصدرها شخص آخر مين ما كان، رح تنتهي بالاكتئاب. مصدر السعادة لازم يكون من الشخص نفسه، من الطبيعة، من أهداف وانجازات، ومن كل التفاصيل الصغيرة بالحياة 💜 | Posted on 29/Feb/2024 19:56:00