Assala Nasri Instagram – من بداياتي وأنا عايشه بين السعوديين بالسعوديه ومن حسن حظي سافرت معهم بلاد كتيره وعشت معهم بكل سفره أيام طويله ماشفت كرم بكرمهم ولا رحمه متل اللي موجوده بقلبهم واللي عرفتهم كلهم عندهم ناس كتير من جنسيات عديده بيشتغلوا معهم ومحظوظين كلهم بالفرصه اللي عطتهم ياها الحياة وأغلب هالناس عملوا ببلادهم بيوت وصرفوا على العشرات وهنن نفسهم عايشين بأفضل الظروف مع أطيب ناس .. للأسف تابعت الفيلم اللي بيقول صار هيك بالسعوديه واستفزني ولقيت ما في أسباب لمتل هيك إتّهام للمجتمع السعودي مجتمع المبادئ والأخلاق والعطاء والتواضع والبساطه وحب الناس والحياة .. أن تكون آلسعوديه مستهدفه هاد شي متوقع ومبرّر لأنها كانت ومازالت المؤثّره الحاضنه الله يعزها ويديم عزها ويحفظ أهلها أهلي وأهل ملايين متلي حبوها وكانت إلهم الأم والأب والأمان والوطن ..
#السعودية_العظمى
#أصالة | Posted on 23/Aug/2024 15:58:07
