Nadine Wilson Njeim Instagram – بقولوا البيت هو الأم. أنا رأيي البيت هو البيّ قبل الأم.
الأب مش بس مصدر رزق،
هو السند اللي بيدعمك وقت بتكون واقع،
وبيعلمك شو معنى القوة،
الشجاعة،
والمثابرة.
الأب مش بس وجود صامت،
هو اللي بيفرح بكل لحظة صغيرة مع أولاده.
بيقوم يرسم الابتسامة عوجّه بنته الصغيرة لما بيمسك إيدها
وبيرقص معها بنص الصالة،
وهالرقصة البسيطة بتكون لحظة حرية،
لحظة بيعلّمها فيها كيف تكون نفسها
بلا خوف،
كيف تكون قوية وواثقة حالها.
الفرحة وقت بيرجع عالبيت، أو بيكون جايب معه شي حلو لأولاده، بتعرف انه مش مجرد هدية، هو عم بيقول “أنا فخور فيكم”.
ووقت تكون الدنيا صعبة،
هو اللي بيوقف قدامك وبيقلك “ما تخاف، أنا معك”.
يمكن مش كل حدا كان عنده بيّ،
بس كل واحد فينا بيشوف صورة الأب لما بيشوف رجال واقف بجنب عيلته،
أو عم بيضحي كرمال اللي بيحبهم.
حتى لو كان الحكي قليل، الأفعال بتحكي بصوت أعلى.
————
ملاحظة: هالفيديو من عرس كنت موجودة فيه بس ما بعرف مين بكون هالبيّ الرائع و حاولت لاقيه بس ما قدرت. رجاءاً ساعدوني وصله هالرسالة 🙏❤️ | Posted on 02/Sep/2024 12:39:25
