Charlene Choi Instagram – 拉斯維加斯之旅上集
《羚羊谷》 🤩
人生第一次去拉斯維加斯
咁啱我哋有兩日可以休息
個個都話一定要去大峽谷或羚羊谷
大峽谷嘅路程短啲 幾個鐘就搞掂
對我哋嚟講一定係簡單啲方便啲舒服啲
但係我哋最尾都係揀咗路程比較遠嘅羚羊谷
因為覺得一大班人一齊啲時間會過得快啲
同埋Never choose an easy path 😏
雖然冇去過大峽谷 冇得比較
但係羚羊谷真係實在太值得喇！！！
其實羚羊谷唔係好大
未入去就咁睇一啲都唔起眼
好彩我哋遇到一個好好嘅導遊
聽住佢一路講解呢個大自然奇景係點樣構成
即刻覺得我哋嘅地球真係好犀利！好偉大！
再加上
佢幫我哋個電話相機調校咗少少顏色之後
咔嚓📸
哇！不得之了！
即刻影到晒啲形狀同埋輪廓
（我講緊個谷😅）
因為裏面嘅光線實在太欠缺
基本上影人係非常之難
貼士係 個頭一定要仰高搵光線
都可以用電話打少少燈嘅
但係其實要影到一張好靚好滿意嘅相係非常之唔容易
（呢度係講緊個人😪）
對於塊面輪廓唔夠立體嘅人嚟講 即係我🤪 就唔係太友好囉 😝
不過影影吓我都放棄咗
都係用返最原始嘅方法
用個腦同埋個心去感受同記低每一幀畫面 😌
#antelopecanyon
#bucketlistchecked | Posted on 11/Dec/2024 09:25:03
